.
Hier is sommer so iets oor elkeen van ons gesin.

My ouers is Oupa Das en ouma Nanie. Lees sommer daar oor hulle 50ste huweliksherdenking. Ons het almal in die Cardoso Hotel in Maputo ingeboek - daar waar hulle twee honeymoon gehou hetin 1955.

My broers en susters met hulle mans en vouens is: Retha en Frik, Alida en Errie, Alex en Nicolien en Koos en Sandra.

 

 

skoolkonsertJOHAN
Ek is tans Adjunkhoof by HoŽrskool Centurion Die foto hier links is tydens 'n personeelkonsert geneem. Ek het my ou Hugenote skoolbaadjie aan.

Ek is die "webmeester" van barkhuizen.co.za. Die webblad is eintlik so in die middel 1990's begin om my familiegeskiedenis bekend te stel en om kontak met familielede te maak. Ek is al 30 jaar besig met die familiegeskiedenis van die Barkhuizens. Daar is seker nou so 5000 name op die register.
My nuutste belangstelling is vlieghengel.
Tussen 1992 en 1998 het ek ook 6 Comrades marathons voltooi. 'n Mens sal dit nou nie juis sê as jy na die baadjie kyk nie, nie maar ek gym al darem weer.

Ek het saam met Annemarie 'n M.Ed in volwasse onderrig gedoen. My navorsing het oor transformatoriese leer gehandel.


ANNEMARIE
Annemarie het vir baie jare skoolgehou by Hoërskool Voortrekkerhoogte. Sy het as Departementshoof vir Afrikaans daar afgetree.
Annemarie het haar M.Ed navorsing oor onderrig en leer in 'n ABET sentrum gedoen. Sy is werklik 'n kenner oor onderrig en leer.

Ons het saam in 1998 die Comrades voltooi.
Annemarie het drie susters: Ella en haar man, Jaco, bly is Pretoria, Madri en Paul is in Port Elizabeth en Hester en Hein is
ook in Pretoria.




MARI
Mari is met Johan Viljoen getroud en hulle bly tans in Lyttelton. Hulle eersteling, Mieke-Mari, is 'n ligstraaljie in ons lewe. En ons is BAIE opgewonde oor 'n tweeling dogtertjies wat oppad is.

Johan het sy eie besigheid. Mari is tans voltydse ma maar sy het skoolgehou en by 'n eiendomsontwikkelaar in Midstream gewerk.

 

JOHAN

Johan het goed gedoen met sy drie onderskeidings in die Matriekeksamen by Hoërskool Centurion. Hy is tans eerstejaar by Tukkies en swot BA Regte.

Hy is steeds mal oor rekenaarspeletjies en natuurlik ook lees. Ek dink hy was een van die eerste mense in Suid-Afrika om Harry Potter te lees.